InicioPolíticaO PSdeG critica as partidas destinadas á comarca nos orzamentos

O PSdeG critica as partidas destinadas á comarca nos orzamentos

Os socialistas lamentan que non haxa fondos para o dragado de Foz e ven escaso o gasto na N-642

Publicada o

- Advertisement -

O Partido dos Socialistas de Galicia (PSdeG) ofreceu unha rolda de prensa na que criticou o investimento destinado nos Orzamentos Xerais do Estado (OXE) a Lugo e á Mariña. O PSOE asegura que a provincia ten “uns presupostos mutilados” a causa “dos verdugos do seu progreso, a alianza entre o Goberno central e Ciudadanos, que é a muleta do PP”.

O secretario xeral dos socialistas lucenses, Álvaro Ramos, e a alcaldesa de Lugo, Lara Méndez, lamentaron que “PP e Ciudadanos pactaron votar en contra de 37 propostas, realistas e executables, que fixemos para aumentar en 33,1 millóns os investimentos do Estado na provincia”. Os representantes do PSdeG lembraron que o gasto destinado a Lugo nos orzamentos xerais do 2011 foi de 178 millóns de euros e agora a cantidade presupostada cae a 60.

Os socialistas aseguraron que Ciudadanos “pediu un millón para A Coruña, outro para Pontevedra, 500.000 euros para Ourense e só 100.000 para a provincia de Lugo, para un estudo sobre o desdobramento da Rolda Norte”.

N-642

O PsdeG critica que os orzamentos só reserven 1,7 millóns para a mellora da N-642. Lembra que o PP deixou de executar dous millóns nos últimos anos. Dado o deterioro da estrada, os socialistas “pediamos utilizar este ano os fondos previstos para 2019”.

DRAGADO DE FOZ

O PSOE lucense tamén resaltou a necesidade de acometer o dragado e Foz e rexenerar a ría para protexer e recuperar os sistemas litorais. Os socialistas quéixanse de que non haxa fondos previstos para este proxecto e recordan que “este proxecto xa se comprometeu en diferentes ocasións por parte da dereita sen nunca levar nada a cabo”.

TRABADA

O grupo provincial do PSdeG solicitou tamén 150.000 euros para a actuación ambiental no río Eo, en Trabada, que non foron concedidos, e outros 200.000 para a antiga ruta do tren mineiro entre Villavieja e o municipio trabadense, que non se contemplaron nos presupostos.

ÚLTIMAS

O comité de Alcoa informa de que recibiu o interese de seis empresas na compra

O comité de Alcoa en San Cibrao informa de que a compañía recibiu o...

Viveiro retira os vehículos abandonados na vía pública

A tenenta de alcaldesa e responsable da área de medio ambiente do Concello de...

Ribadeo eliminará as barreiras arquitectónicas de la EMMeD

O Concello eliminará as barreiras arquitectónicas da EMMeD, que contará con ascensor e...

Barreiros encherá xuño cunha axenda cultural completa

O Concello de Barreiros, a través da súa concellaría de Dinamización, lanza o...