Un veciño do municipio lucense de Cervo recupera a súa carteira extraviada, con 1.040 euros en efectivo e diferente documentación persoal, grazas a un veciño de Burela que a entregou nas dependencias da Garda Civil. Segundo informou o Instituto Armado, os feitos sucederon sobre as 20,00 horas do pasado mércores e o home comunicou aos axentes que atopara a carteira tirada no chan na rúa Rosalía de Castro.

Os axentes tras examinar a documentación persoal puideron localizar ao seu propietario e entregar os efectos perdidos. Así, ata que a Garda Civil contactou co propietario este descoñecía que non tiña a carteira no súa poder.

O propietario examinou o contido da carteira e manifestou que non lle faltaba nada. Acto seguido, pediu aos axentes a maneira de contactar con quen atopou a carteira para poder agradecer a súa honrada actuación e facer entrega dunha gratificación.