Unha muller que se atopaba esperando o autobús resultou ferida en Alfoz ao ser alcanzada por un dos coches implicados nunha colisión. O accidente produciuse ao redor das 14,50 horas deste martes no quilómetro 14 da estrada LU-160 que une Mondoñedo e Ferreira, segundo informou a Garda Civil.

A muller atopábase esperando o bus nunha parada cando foi arroiada por un dos coches que acababan de sufrir unha colisión frontolateral.