Efectivos sanitarios trasladaron na madrugada deste luns ao Hospital de Burela a un home cun pau cravado no peito que, posteriormente, foi detido acusado de violencia de xénero. En concreto, segundo informan fontes próximas a Europa Press, a agresión produciuse na rúa, cando a parella do home cravoulle un pau no peito.
Segundo contou posteriormente ela a emerxencias, tras dar a voz de alarma, fíxoo para defenderse dun ataque do home. O ferido foi trasladado e atendido no Hospital de Burela, aínda que o seu estado non revestía gravidade e, posteriormente, foi detido por un posible delito de violencia de xénero. No operativo participaron efectivos de Urxencias Médicas 061 Galicia e da Garda Civil.